Almatyda bir apta boıy kún jyly bolady
ALMATY. QazAqparat - Almatyda anomaldi jyly kún raıy bir apta boıy saqtalady, dep habarlaıdy QazAqparat tilshisi.
Sınoptıkterdiń aıtýynsha, aýa temperatýrasy kúndiz +12 S shamasynda bolady.
«Irannyń ońtústik-batysynan shyqqan jyly tsıklon qazirgi ýaqytta Almatyda tómengi qysym men joǵary ylǵaldylyqtyń saqtalýyna áser etti. Sondyqtan, qalany búgin túnde jáne tańerteń tuman basady. Aýa temperatýrasy túnde 0, -2 gradýs, kúndiz + 6 + 8 gradýs shamasynda bolady», - dedi «Qazgıdromet» RMK Almaty qalasy meteorologııalyq boljam bóliminiń jetekshi ınjeneri Bıbigúl Bekmyrzaeva.
Ylǵaldy, jyly aýa-raıy 9-10 aqpanǵa deıin sozylady.
«9 aqpanǵa deıin aýa temperatýrasy túnde 0, -5 gradýs, kúndiz +7 + 12 gradýs bolady», - dep atap ótti sınoptıkter.
Qazgıdromettiń habarlaýynsha, aqpannyń ekinshi onkúndigi jaýyn-shashyndy bolmaq.
