Almatyda «Bilim joly» ıntellektýaldyq marafony ótedi
ASTANA. QazAqparat - 20 27 aqpanda Almaty qalasynda QR Bilim jáne ǵylym mınıstrliginiń bala quqyqtaryn qorǵaý komıtetiniń qoldaýymen Qazaqstannyń barlyq qalalarynda ótetin «Bilim joly» ıntellektýaldyq marafony bastalady.
Marafondy uıymdastyrýshylar - «Asyl bala» Respýblıkalyq qaýymdastyǵy, «KADÝ» mektepke deıingi mekemelerdiń qazaqstandyq qaýymdastyǵy, UCMASKAZAKHSTAN halyqaralyq mentaldyq arıfmetıka balalar ortalyǵy,«Daryn» Respýblıkalyq ǵylymı- praktıkalyq ortalyǵy.
«Asyl bala» respýblıkalyq qaýymdastyǵy baspasóz qyzmetiniń habarlaýynsha, osy sharany ótkizý maqsaty kishkentaı synyp oqýshylarynyń shyǵarmashylyq jáne izdenis sıpatyndaǵy esepterdi shyǵarý qabiletin anyqtaý jáne ony damytý, jetistik/kemshilik jáne qurylymdy qımyldaý ıkemderiniń sebepterin túsiný. Bul protsess bilim berý salasyndaǵy tańdaýdy anaǵurlym jeńildetedi, bala qabiletin damytýdyń meılinshe durys jolyn tańdaýǵa kómektesedi, sóıtip, jetkinshekterge joǵary sapaly bilim berý bizdiń elimizdiń XXI ǵasyrdaǵy jetistiginiń kepili bolmaq.
Marafonǵa tek ata-analar tarapynan ǵana emes, sondaı-aq qoǵam tarapynan da asa qamqorlyqty qajet etetin múmkindigi shekteýli balalar da, mektepke deıingi, jalpy bilim beretin mektepterdiń bastaýysh synyptarynyń balalary da qatysady, olar joǵary ıntelektýaldyq qabiletterin kórsete alady.
Marafonnyń mazmuny men ótkizý sharty ár oqýshyǵa ózin kórsetý, qatysýdan rahat alý, óz múmkindigin seziný jáne mekteptegi oqýdyń qyzyqty ekendigin, qýanysh ákeletindigin, eń bastysy paıdaly ekendigin seziný múmkindigin beredi.
Marafon jas mólsherine qaraı úsh sanatta ótkiziledi: mektepke deıingi mekemeler; 1-2; 3-4 synyptar. Barlyq qatysýshylarǵa sertıfıkattar beriledi. Jeńimpazdar jalpy synaqtan keıin uıymdastyrýshy komıtettiń dıplomdarymen jáne syılyqtarymen marapattalady. Konkýrs jeńimpazdaryn daıyndaǵan ustazdar alǵys hattarymen marapattalady.
Balalar úshin bul jarqyn oqıǵa, jarystyń tolqytar sáti bolmaq. Múmkindigi shekteýli balalar úshin basqalarmen ózin teń sanaý múmkindigi. Ata-analar úshin úıde qandaı oıyndar men ádis-tásilder qoldaný kerektigin bilip alý múmkindigi, balalarynyń oı júıesiniń matematıkalyq nemese gýmanıtarlyq ekendigin túsinýi. Muǵalimder úshin jas daryndarmen qosymsha jumys júrgizýdi uıymdastyrý ádisterin, jańa tásildermen úıretýdi taný. Ǵalymdar úshin bilim berýdiń teorııasy men praktıkasyn biriktirý, baqylaý men taldaý alańy.
Marafon beıkommertsııalyq negizde ótkiziledi jáne qatysýshylar tarapynan eshqandaı aqshalaı shyǵyndy talap etpeıdi.
Jeńimpazdardy quramyna Bilim jáne ǵylym mınıstrliginiń, Astana qalasynyń bilim berý basqarmasynyń, «Daryn» Respýblıkalyq ǵylymı-praktıkalyq ortalyqtyń ókilderi, Moskva qalasynyń pedagogtary, ata-analar, ǵalymdar enetin qazylar alqasy anyqtaıdy.
