Almatyda «Bilim jáne Mansap - 2011» atty XII Qazaqstandyq Halyqaralyq kórmesi ashylady
ASTANA. 20 sáýir. QazAqparat /Názıra Eleýhan/ - Búgin Almaty qalasynda «Bilim jáne Mansap - 2011» atty XII Qazaqstandyq Halyqaralyq kórmesi ashyldy,
oǵan Qazaqstan, Qyrǵyzstan, Ózbekstan, Reseı Federatsııasy, Latvııa, Kıpr, Germanııa, Italııa, Chehııa, Shveıtsarııa, Ýkraına, Ulybrıtanııa, Malaızııa, Ońtústik Koreıanyń 100-den astam bilim berý mekemeleri qatysýda.
Uıymdastyrýshy - QR Bilim berý jáne ǵylym mınıstrliginiń, Almaty qalasynyń ákimdiginiń, Jastar saıasatyn damytý memlekettik qorynyń qoldaýymen - «Atakent-Ekspo» halyqaralyq kórme kompanııasy.
Kórme maqsaty: bilim berý, oqytýdyń zamanaýı tehnologııasy, oqý jabdyqtary, jańa oqý baǵdarlamalary men jańa býyndy oqý-ádistemelik keshender, oqý úrdisine mýltımedııalyq jáne elektrondy oqýlyqtardy engizý salasynda jetistikterdi kórsetý. Kórme aıasynda otandyq jáne sheteldik joǵarǵy oqý oryndary jasaǵan ınnovatsııalyq jobalar usynylǵan.
«Bilim jáne Mansap» kórmesi kóptegen jyldar boıy Qazaqstannyń jáne sheteldiń bilim berý mekemelerine bilim berý júıesindegi jańartýlar salasynda óz jetistikterin, jańa oqý baǵdarlamalary men oqý quraldaryn kórneki túrde kórsetýge múmkindik berip keledi.
Kórme uıymdastyrýshylarynyń aıtýynsha, jyldan jylǵa qatysýshylardyń sany kóbeıip keledi. Osylaısha, bıylǵy jyly kórmege Ońtústik Koreıanyń 17-den astam ulttyq joǵarǵy oqý oryndary qatyspaqshy.
Kórmeniń qatysýshylarynyń arasynda - Ál-Farabı atyndaǵy Qazaq Ulttyq ýnıversıteti, Q.Sátbaev atyndaǵy Qazaq ulttyq tehnıkalyq ýnıversıteti, M.Áýezov atyndaǵy Ońtústik Qazaqstan Memlekettik Ýnıversıteti, «Nazarbaev» Ýnıversıteti, Qazaqstandyq ınjenerlik-tehnologııalyq ýnıversıteti, M.Tynyshbaev atyndaǵy Qazaq kólik jáne kommýnıkatsııa akademııasy, Qazaq Bas sáýlet-qurylys akademııasy, T.Rysqulov atyndaǵy Qazaq ekonomıkalyq ýnıversıteti, Qazaq-Amerıkan ýnıversıteti, Qazaqstan-Brıtan tehnıkalyq ýnıversıteti, «Symbat» moda bıznesiniń akademııasy, Azamattyq Avıatsııa akademııasy, Halyqaralyq bıznes akademııasy, barlyq nemis joǵarǵy oqý mekemeleriniń basyn biriktiretin Germandyq Akademııalyq Almasýlar Qyzmeti (GAAQ), Qarjylyq akademııanyń halyqaralyq bıznes mektebi, Tomsk polıtehnıkalyq ýnıversıteti jáne t.b. bar.
Kórmede 1S-SAPA jáne SLAVA VTs kompanııalarynyń toby, «InfoSoftProm» JShS, «Topline» JShS (Almaty q.), Naýka Plıýs JShQ (Máskeý q.), Lucas Nuelle (Germanııa) sııaqty kompanııalardyń stendinde oqý-kórneki quraldardyń, oqý úrdisin uıymdastyrýǵa arnalǵan oqytýdyń tehnıkalyq quraldarynyń, mektep jıhazynyń jáne keńse taýarlarynyń mol aıasy usynylǵan.
22 sáýirge deıin ótetin kórme aıasynda barlyq qalaǵandarǵa kórme qatysýshylarynan tanystyrylymdar men semınarlar júrgizýden turatyn, iskerlik baǵdarlama qarastyrylǵan. Mysaly, Ulttyq testileý ortalyǵy 11-synyp oqýshylary úshin UBT baǵdarlamasy boıynsha tegin synama testileýdi júrgizedi.
Uıymdastyrýshylar «Bilim men Mansap-2011» kórmesi bilim berý júıesin odan ári jetildirýge jáne damytýǵa eleýli úles qosyp, memleketterdiń bilim berý júıesiniń álemdik bilim berý keńistigine yqpaldasý úrdisin jyldamdatýǵa múmkindik beredi, qatysýshy-memleketterdiń bilim berý mekemelerine bilim berý sapasyn jaqsartý jolynda olardyń básekelestik ádistemelerin, tehnologııalary men ónimderin jyljytýǵa naqty jaǵdaı jasaıdy dep úmittenedi.
