Almatyda Bilim jáne ǵylym mınıstrliginiń stýdentterge bólgen qosymsha granttary óz ıesin tapty
ALMATY. Aqpannyń 4-i. QazAqparat /Erlik Erjanuly/ - Búgin Almatyda Qazaqtyń Muhamedjan Tynyshbaev atyndaǵy kólik jáne kommýnıkatsııa akademııasynda Bilim jáne ǵylym mınıstrligi stýdentterge qosymsha bólgen 2 myń granttyń 67-si óz ıesin tapty,
dep habarlaıdy QazAqparat.
"Bul - akademııaǵa 2009/2010 jyly memlekettik bilim grantymen oqýǵa qabyldanǵan stýdentterdiń shırek bóligi. Oqý jylynyń basynda olardyń sany 251 bolǵan. Endi olardyń qatary taǵy 67 adammen tolyǵyp otyr. Jalpy, 2009 jyly bilim ordasy qosymsha 388 grantqa ıe bolǵan bolatyn. Bıyl bul kórsetkish ótken jylǵydan joǵary bolady dep josparlap otyrmyz", deıdi Qazaqtyń M. Tynyshbaev atyndaǵy kólik jáne kommýnıkatsııa akademııasynyń rektory Ádilbek Botabekov. Onyń aıtýynsha, memleket óskeleń jas urpaqtyń bolashaǵyn qamtamasyz etýde. Bul Elbasynyń Qazaqstan halqyna joldaǵan bıylǵy Joldaýynda da óz kórinisin taýyp otyr. Máselen, sáýir aıynan bastap stýdentter shákirtaqysynyń 25 paıyzǵa ulǵaıýy, al 2020 jylǵa qaraı barlyq balalardy mektep jasyna deıingi tárbıe berý jáne oqytýmen qamtý - sonyń naqty aıǵaǵy.
