Almatyda Bilim jáne ǵylym mınıstrliginiń keńeıtilgen alqa májilisi ótip jatyr
ALMATY. 25 maýsym. QazAqparat - Búgin Almatyda Bilim jáne ǵylym mınıstrliginiń keńeıtilgen alqa májilisinde alǵash ret jastar saıasaty, dene tárbıesi, mekteptik jáne stýdenttik sport salasyn damytý máseleleri qarastyrylyp jatyr.
Oǵan QR Parlament depýtattary, QR Prezıdenti Ákimshiligi men Premer-Mınıstr keńsesiniń ókilderi, oblys ákimderi jáne orynbasarlary, oblystyq bilim basqarmasy basshylary, bilim jáne ǵylym salasynda jumys isteıtin óńirlik departament dırektorlary, bilim berý uıymdarynyń jetekshileri, 100-den astam joǵary oqý oryndarynyń rektorlary, kolledj jáne kásibı lıtseılerdiń, bala quqyǵyn qorǵaý organdary men jastar uıymy ókilderi qatysýda.
Álemdiń tájirıbege qaraǵanda, sporttyq qyzmet kórsetýmen halyqtyń 30 paıyzy qamtylǵanda ǵana elge júktelgen áleýmettik fýnktsııalardy oryndaýǵa qabiletti bolady eken. Qazaqstanda túrli baǵalaýlar boıynsha bul kórsetkish qazir 20 paıyzdan asty. Búgingi tańda sporttaǵy daryndy balalarǵa arnalǵan 11 mektep ınternat, 15 joǵary sporttyq sheberlik mektebi men 17 olımpıada rezervin daıyndaý ortalyǵynda 7 211 bala sporttyq sheberligin jetildirýde. Olardy 938 jattyqtyrýshy daıyndaıdy. Al joǵary oqý oryndarynda «Dene tárbıesiniń muǵalimi» mamandyǵy boıynsha 16 myńǵa jýyq stýdent bilim alýda. QR Bilim jáne ǵylym mınıstrliginiń taldaýyna qaraǵanda, bul saladaǵy basty máseleler mynalar: dene tárbıesi muǵalimderiniń sapalyq quramy, balalardy jasóspirimder sporttyq uıymdarmen qamtý,
