Almatyda bilim salasyndaǵy jemqorlyqqa qarsy jobalyq keńse ashyldy

ALMATY. QazAqparat - Ál-Farabı atyndaǵy QazUÝ kesheninde bilim salasyndaǵy jemqorlyqpen kúres boıynsha «Sanaly urpaq» jobalyq keńsesi ashyldy, dep habarlaıdy «QazAqparat» HAA.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevtiń aıtýynsha, ashylǵan keńseniń maqsaty bilim salasyndaǵy jemqorlyqqa qarsy is-sharalardy júzege asyrýdyń júıelik negizin qurý.

«Biz barlyq bilim berý mekemeleriniń ujymdaryn jemqorlyqtan taza qoǵam ıdeıasy boıynsha biriktirýimiz kerek, osyǵan sáıkes sybaılas jemqorlyqpen kúresýdiń ishki tásilderine osy jobany qoldana alamyz. Almatynyń tájirıbesi jemqorlyqqa qarsy is-qımyl salasyndaǵy bizdiń jumysymyzdyń qýatty platsdarmy bolady dep úmittenemiz»,-dedi Alık Shpekbaev.

Almaty qalasynyń ákimi Baýyrjan Baıbek atalmysh keńse sybaılas jemqorlyqqa qarsy kúrestegi zamanaýı tehnologııalar men jańa tásilder qoldanylatyn alańǵa aınalatynyn aıtty.

«Bizdiń mindetimiz - sybaılas jemqorlyqty áleýmettik qubylys retinde qabyldamaýǵa baǵyttalǵan qoǵam qurý», - dedi Almaty ákimi.
Qazirgi Agenttik ofıs qyzmetkerlerin jobalardy basqarý negizderi boıynsha oqytyp jatyr. Joba ofısiniń basshysy retinde Qaıyrjan Toqyshev taǵaıyndaldy.