Almatyda bilim forýmy men bos oryndar jármeńkesi ótýde
Ony «Almaty jastary kongresi» qoǵamdyq birlestigi, «Almaty jastary keńesi» QB, «Jastar parlamentiniń Jastar zań qurastyrý jumystary jónindegi ortalyǵy» RQB, «Jas keńes» QB, Almaty pikirsaıys ortalyǵy jáne basqa da jastar uıymdary birlese uıymdastyryp otyr. Sharanyń maqsaty - stýdentter men JOO bitirýshileriniń qarjylyq saýattylyqtaryn joǵarylatý men aqparattyq qamtamasyz etýdi arttyrýǵa baǵyttalǵan, sonymen birge, tájirıbe almasý men iskerlik qarym-qatynastar ornatý.
Shara barysynda bıznes-josparlar baıqaýy, qalalyq pikirsaıys týrnıri, qarjylyq saýattylyq boıynsha zııatkerlik saıysy men «DAMÝ» kásipkerlikti damytý qorynyń «Almaty qalasy aýmaqtyq qarjy ortalyǵy» AQ ókilderimen trenıngter jáne jetekshi kásipkerlerdiń sheberlik sabaqtary ótetin bolady.
Erteńgi jabylý saltanatynda osy atalǵan saıystar jeńimpazdary marapattalyp, forým qatysýshylaryna sertıfıkattar beriledi.
