Almatyda bilim berýdiń onlaın platformasy usynyldy
ALMATY. QazAqparat - Almatyda Daryn.Online bilim berý platformasy usynyldy, dep habarlaıdy QazAqparat tilshisi.
Daryn.Online platformasy 2019 jyly iske qosyldy. Ony qazaqstandyq mektep oqýshylary qashyqtan oqý úshin qoldana alady. Búgingi kúni munda 2,7 mln astam oqýshy men 200 muǵalim tirkelgen.
Onlaın bilim berý platformasynyń negizin qalaýshy Asqar Maqsatuly munda 0-den 11-ke deıingi synyptarda 700 myńnan astam oqýshynyń kún saıyn bilim alatynyn aıtty. Kúnine 60-tan astam arnaıy beıne sabaqtar túsiriledi. Olarǵa Respýblıkalyq fızıka-matematıka jáne Nazarbaev Zııatkerlik mektepteriniń, sondaı-aq orta mektepterdiń úzdik muǵalimderi sabaq beredi.
Oqytý sınhrondy jáne asınhrondy formatta ótedi. Sınhrondy degenimiz - muǵalim konferents-qońyraý uıymdastyryp, stýdenttermen jelide tikeleı efırde sabaq ótkizedi. Al asınhrondy - oqytýshy stýdentterge daıyn onlaın kýrstar, prezentatsııalar, oqýlyqtar men mýltımedııalyq materıaldardy oqýǵa beredi.
«Ár oqýshynyń jeke kabıneti bolady. Kez-kelgen adam tegin tirkele alady. Biraq , jeke paıdalanýshylar sabaq úshin aıyna 2000 teńge tóleıdi. ıAǵnı, kez-kelgen adam pándi satyp alyp, ózdiginen sabaq bere alady «, - deıdi platformanyń negizin qalaýshy.
Onyń aıtýynsha, olarmen kelisim shartqa otyrǵan mektepterdiń oqýshylary mektep pánderin tegin paıdalana alady. Búginde olardyń sany Qazaqstan boıynsha 1491.
«Biz kelisim shartqa otyrǵan mekteptermen tamyz aıynyń basynan bastap jumys isteı bastadyq. Olar 1 qyrkúıekke deıin daıyn bolý úshin ony qalaı qoldanýǵa bolatynyn túsindirip, kórsetik. Daryn.Online maqsaty - el jastaryna áleýmettik mártebesine qaramastan sapaly bilim berý. Oflaın sabaqtarǵa arnalǵan mobıldi qosymsha da bar», – dep qortyndylady sózin Asqar Maqsatuly.
