Almatyda bılıardtyń «Erkin pıramıda» túrinen 18 jasqa deıingiler arasynda el chempıonaty bastaldy

27 naýryzǵa deıin sozylatyn bul jarysqa respýblıkanyń túkpir-túkpirinen 64 sportshyǵa qatysý quqy berilgen.

Sondaı-aq 28-30 naýryz kúnderi munda «Qurastyrmaly pıramıdadan», al 31 naýryzda «Pýl-9» boıynsha dástúrli Qazaqstan chempıonattary ótpek.

Byltyr bul dodada temirtaýlyq Medet Tuıaqov «Erkin pıramıdadan» birinshi, «Qurastyrmaly pıramıdadan» tórtinshi oryn alǵan bolatyn. Al baıqońyrlyq Temirlan Kósherov eki synda da úzdik úshtiktiń qatarynan tabyldy. Sondaı-aq semeılik Tálimjan Toqtasynov «Qurastyrmaly pıramıdada», almatylyq Abylaıhan Qaraneev «Pýl-9» jarysynda jeńimpaz atanǵan edi.