Almatyda bılıardtan jasóspirimder men jastar arasyndaǵy el chempıonaty ótti
ALMATY. 30 naýryz. QazAqparat /Erlik Erjanuly/ - Búgin Almatyda bılıardtyń «Erkin pıramıda», «Qurastyrmaly pıramıda» jáne «Pýl 9» túrlerinen jasóspirimder arasyndaǵy el chempıonaty boldy.
«Bastaý» bılıard klýbynda ótken bul sharany Qazaqstannyń Bılıard sporty federatsııasy uıymdastyrǵan edi. 13 pen 18 jas aralyǵyndaǵy jas sportshylar arasyndaǵy bul dúbirli dodanyń eń jas bılıardshysy 10 jasar Vıtıa Zaıtsev boldy. «Erkin pıramıdada» qaraǵandylyq Álibek Omarov (1993j.) aqtyq synda almatylyq Bahtıshat Zaınaýdındi (1993j) utyp el chempıony atandy. Úshinshi oryndy almatylyq Arbı Mýtsıev (1993j.) pen Abylaı Qaraneev (1994 j.) bólisti.
«Qurastyrmaly pıramıdada» almatylyq Stanıslav Markov fınalda baıqońyrlyq Temirlan Kósherovtan basym tústi. Onda qola júldeni almatylyq Elaman Ataev pen pavlodarlyq Azamat Áýbákirov ıelendi. Olardyń bári de 1994 jyldyń ulandary.
«Pýl 9» jarysynda Stanıslav Markov ekinshi ret altyn medaldiń ıesi atandy. Al semeılik Tálimjan Toqtasynov kúmis, aqtaýlyq Ǵalym Balmuhanov qol júldeni omyraýyna taqty.
