Almatyda bılıardtan Respýblıka chempıonaty aıaqtaldy
ALMATY. Qyrkúıektiń 24-i. QazAqparat /Erbol Turymbetov/ - Búgin Almatydaǵy «Bastaý» bılıard klýbynda ótip jatqan sporttyń osy túrinen klýbtyq komandalar arasyndaǵy respýblıkalyq chempıonat aıaqtaldy,
dep habarlaıdy QazAqparat.
Jarysqa elimizdiń 7 qalasynan jalpy sany 17 komanda qatysty. Chempıonat barysynda qatysýshylar erkin, dınamıkalyq jáne qıystyrylǵan pıramıda túrleri boıynsha synǵa tústi. Jarys qorytyndysy boıynsha 1-shi oryndy almatylyq «Bastaý» komandasy (quramynda Omarov Á., Mýdarısov E., Mıngazıtdınov I.) jeńip aldy. 2-shi oryn Qaraǵandydan kelgen «Fenıks» komandasyna (Smırnov E., Gınaıatov S., Kırıllov D.) buıyrsa, 3-shi oryn almatylyq «Ýltramarın» komandasynyń (Zaınaýdın B., Pan M., Mýtsıev A.) enshisine tıdi.
Qazaqstan quramasy osy jyldyń 14-17-shi qazan aralyǵynda bılıardtyń «Erkin pıramıda» túrinen Germanııada ótetin álem chempıonatyna qatysady.
