Almatyda bılıardtan Qazaqstan chempıonaty ótýde
MATY. 12 qyrkúıek. QazAqparat /Ádilet Musahaev/ - Almatyda bılıard sportynan klýb komandalary arasynda «úshsaıystan» Qazaqstan chempıonaty ótip jatyr.
15 qyrkúıekke deıin jalǵasatyn saıysqa Almaty, Qaraǵandy, Aqtóbe, Aqtaý, Astana, Pavlodar jáne Semeı qalalarynan 15 komanda qatysyp, 45 sportshy synǵa túsýde. Kezdesý erkin pıramıda, qurastyrylmaly pıramıda jáne dınamıkalyq pıramıda túrlerinen ótýde.
Astana komandasy atynan Halyqaralyq deńgeıdegi sport sheberi, 2010 jylǵy álem chempıony Ernar Shymbaev synǵa túsip jatsa, Almaty komandasynyń namysyn HDSSh, álem chempıonatynyń kúmis júldegeri Emıl Mýdarısov qorǵaýda. Sonymen qatar chempıonatqa qatysyp jatqan eń jas sportshynyń jasy 13-te, Semeı qalasynan kelgen Tálimjan Toqtasynov tórt jyl ishinde bılıard sportynan jaqsy kórsetkishterge qol jetkizip úlgergen.
