Almatyda bılıardtan Qazaqstan birinshiliginiń jeńimpazdary anyqtaldy
ALMATY. QazAqparat- Búgin Almatyda «Bastaý» oıyn-saýyq ortalyǵynda bılıard sportynyń «Qurama pıramıda» túri boıynsha Qazaqstan birinshiligi aıaqtaldy.
Oǵan búkil Qazaqstan boıynsha barlyǵy 118 erkek jáne 14 áıel qatysty», - dep habarlaıdy QR bılıard sporty federatsııasynyń baspasóz qyzmetinen.
Sonymen, tórt kúnge sozylǵan jarys qorytyndysy boıynsha chempıonattyń jeńimpazdary anyqtaldy.
Erler arasynda sport sheberi, Dáýren Orynbaev (Almaty) birinshi oryndy jeńip aldy. Taǵy bir almatylyq bılıardshy, eńbek sińirgen sport sheberi Qanybek Saǵyndyqov ekinshi orynǵa ıe boldy. Al úshinshi oryndy sport sheberi Dmıtrıı Grıgorev (Qaraǵandy) pen halyqaralyq dárejedegi sport sheberi Ernar Shymbaev (Almaty) ózara bólisti.
Áıelder arasynda ótken jarysta sport sheberi Aqerke Ýshakova (Astana) birinshi oryndy jeńip aldy. Ekinshi oryndy astanalyq bılıardshy Aına Ákimova (Astana) ıelendi. Al úshinshi oryn sport sheberligine kandıdat Anjela Ahmetovaǵa buıyrdy.
Esterińizge sala ketelik, 2016 jyldyń 29 naýryzy men 2 sáýiri aralyǵynda Almatydaǵy Respýblıka saraıynda erler men áıelder arasynda bılıard sportynyń «Qurama pıramıda» túri boıynsha Álem chempıonaty ótkiziledi.
