Almatyda bılıardtan el chempıonaty ótti
ALMATY. 19 qyrkúıek. QazAqparat /Erlik Erjanuly/ - Keshe Almatyda bılıardtan kúzgi týrnırler serııasy aıaqtaldy. Onda Klýbtyq komandalyq H Qazaqstan chempıonatynda Ernar Shımbaev, Qýanysh Abpasov pen Azat Túmenbaevtan quralǵan Astana qalasynyń "Premer lıga" klýby jeńimpaz atandy.
Odan keıingi oryndardy Almaty qalasynyń "Klassık" jáne Aqtaý qalasynyń "Stıgal" klýbtary bólisti. Bul básekege 8 qaladan 15 komanda qatysqan bolatyn. Astanalyq klýbtyń múshesi halyqaralyq dárejedegi sport sheberi Ernar Shımbaevtyń bılıardtyń "Pýl 9" túrinen ótken H Qazaqstan chempıonatynda da mereıi ústem shyqty. Bul dodada qaraǵandylyq Vıtalıı Nıkıforov kúmis, almatylyq Aleksandr Vlasıhın qola júldeger atandy.
