Almatyda bılıardtan álem chempıonaty ótip jatyr
ALMATY. QazAqparat - Almatyda 5-sáýirde Balýan Sholaq atyndaǵy sport saraıynda «Dınamıkalyq pıramıda» boıynsha bılıardtan álem chempıonaty bastaldy, dep habarlaıdy QazAqparat tilshisi.
Dúbirli dodada álemniń 19 elinen 100-ge jýyq sportshy álem chempıony ataǵyna talasady. 8-sáýirde jarys jeńimpazy anyqtalyp, kýbok pen aqshalaı syılyq tabystalady. Júlde qory 12 mıllıon teńge.
Týrnırde 64 er azamat, 32 áıel eki topqa bólinip jarysady. Olardyń arasynda jas daryndar ataqty sportshylar, álemdik juldzydar ıAroslav Tarnovetskıı (Ýkraına), Sergeı Kryjanovskıı (Moldova), Artýr Pıvchenko (Ýkraına), Nıkıta Lıvada (Rossııa), Kanybek Sagynbaev (Kyrgyzstan), Vladıslav Osmının (Rossııa), Leonıd Shvyrıaevtarmen (Rossııa) baq synasady.
Qazaqstannyń namysyn Eýropa jáne Azııa chempıonatynyń úsh dúrkin álem chempıony Álıhan Karaneev, aralas pıramıda boıynsha álem chempıondary Ernar Chımbaı jáne Álibek Omarov, Qazaqstan chempıonatynyń sońǵy jeńimpazy Arbı Mýtsıev qorǵaıtyn bolady.
«Biz osy Álem kýbogyna óte uzaq ýaqyt daıyndaldyq. Jarysqa 100% daıynbyz dep aıtýǵa bolady. Álemniń kóptegen elderinen myqty oıynshylar keldi. Osy jarysta biz jaqsy nátıje kórsetemiz dep oılaımyn jáne kýbok óz elimizde qalady dep úmittenemin », - dedi Álıhan Karaneev.
Álem chempıonatynyń ashylý saltanatyna Almaty ákiminiń orynbasary Arman Qyryqpaev, qalalyq Dene shynyqtyrý jáne sport basqarmasynyń basshysy Ábil Donbaev, QR Mádenıet jáne sport mınıstrliginiń, Halyqaralyq jáne Qazaqstan Bılıard federatsııasynyń ókilderi, sondaı-aq sport ardagerleri qatysty.
Alǵashqy bolyp jarys alańyna Qazaqstandyq Ernar Chımbaev pen qyrǵyzstandyq Qanybek Saǵynbaev shyqty.
Olardyń kezdesýi oıynnyń sońyna deıin tartysty boldy. Álem úzdikteriniń oıyny 4 saǵat jalǵasty. 6:4 eseppen qyrǵyz sportshysy qazaqstandyq Ernar Chımbaevqa ese jiberip aldy.
