Almatyda bılıard sportynan Qazaqstan chempıonaty ótedi
ALMATY. QazAqparat - Almatyda QR bılıard sporty federatsııasy 10-13 aqpan kúnderi «Qurama pıramıda» bılıard sporty boıynsha erler men áıelder arasynda Qazaqstan chempıonatyn ótkizedi. Bul týraly federatsııanyń baspasóz qyzmeti habarlady.
Jarystarǵa Qazaqstannyń jetekshi sportshylary qatyspaq. Olardyń arasynda álem chepmpıony Ernar Shymbaev, Azııa chempıonatynyń kúmis jáne qola júldegeri Dáýren Orynbaev, álem, Eýropa, Azııa chempıony Álıhan Qaraneev, «Krembl Kýbogy» júldegeri Maksım Pan bar.
Sondaı-aq týrnır qorytyndysymen 24-27 aqpan kúnderi Almatyda «Qurama pıramıdadan» álem chempınonatyna qatysatyn QR qurama komandasy qalyptastyrylady.
Bul týrnır - jańa oıyn maýsymynyń bastamasy. Jarystar jańartylǵan «Bastaý» oıyn-saýyq kesheninde ótpek.
