Almatyda bılıard sporty boıynsha jańa maýsymnyń birinshi el chempıonaty ótedi
ALMATY. Qańtardyń 21-i. QazAqparat /Názıra Eleýhan/ - Almatyda «Bastaý» bılıard klýbynda aqpan aıynyń 2-5 aralyǵynda bılıard sporty boıynsha erler jáne áıelder arasynda jańa oıyn maýsymyndaǵy birinshi el chempıonaty ótedi,
dep habarlaıdy QazAqparat QR Bılıard sporty federatsııasyna silteme jasap.
Atalmysh jarysqa Almaty, Astana, Shymkent, Qaraǵandy, Pavlodar, Aqtaý, Semeı jáne taǵy da basqa qalalardyń sportshylary qatysady.
Týrnır nátıjesinde, sonymen qatar 2009 jyldyń oıynshylarynyń reıtıngtik kórsetkishterine qaraı Qazaqstan qurama komandasy qurylady. Olar bizdiń eldiń atynan aqpan aıynyń 18-i men 21-i aralyǵynda ótetin Álem chempıonatynda el namysyn qorǵaıtyn bolady.
Álem chempıonatyna Reseı, Ýkraına, Belarýs, Fınlıandııa, Germanııa, Qytaı, Ózbekstan, Ázirbaıjan, AQSh jáne óz Qazaqstan sportshylary qatysady.
