Almatyda bılıard klýbynyń ıegeri oıyn bıznesin uıymdastyrǵany úshin jaýapkershilikke tartyldy (FOTO)
ALMATY. QazAqparat - Almaty polıtsııasynyń arnaıy sharasy aıasynda zańsyz oıyn oryndary anyqtalýda, dep habarlady qalanyń ІІD baspasóz qyzmeti.
Ádette, oıyn zaldary «jertólelerde» áreket etedi. Olar biryńǵaı syrtqy jarnamasyz eleýsiz ǵımarattarda ornalasady.
«Tájirıbe kórsetkendeı, mundaı oryndar qulaqtandyrýǵa muqtaj bolmaıdy. Olardyń ózderiniń klıentteri bolady. «Aqsaı-2» shaǵyn aýdany úıleriniń birinde ornalasqan oıyn zaly basshylaryn áshkereleý ýaqytynda 18 kompıýter, 323 myń teńge aqshalaı qarajat tárkilendi. Oıyn úrdisin 36 jastaǵy áıel basqarǵan, ol budan buryn zańsyz oıyn bıznesin uıymdastyrǵany úshin qylmystyq jaýapkershilikke tartylǵan», - dep habarlady Almaty q. UQKB.
Aqpannyń 19-ynan 20-syna qaraǵan túni jedel top kezekti izdestirý sharalaryn júrgizý kezinde bılıard klýbtarynyń birine barǵan, sol jerde zańsyz oıyn qyzmeti, atap aıtqanda, aqshaǵa «Poker» oıynyn uıymdastyrǵan fakti anyqtaldy.
«Klýbty tekserý barysynda ústelden fıshkalar men oıyn kartalary, qatysýshylardyń oıynǵa kirgen, shyqqan jazbasy tabyldy. Barlyq zat qylmystyq iske qosyldy. Osy joly jaýapkershilikke klýb ıesi tartyldy. Olar «Oıyn bıznesi týraly» zańdy elemeı, jumys júrgizgen», - dep naqtylady qalalyq polıtsııanyń jedel bólimshesinen.
