Almatyda Bıbigúl Tólegenovanyń mereıtoılyq saltanatty keshi ótti
Y. Jeltoqsannyń 24-i. QazAqparat /Názıra Eleýhan/ - Almatyda Memlekettik akademııalyq Abaı atyndaǵy opera jáne balet teatrynda Keńes odaǵynyń halyq ártisi, Sotsıalıstik Eńbek Eri, Memlekettik syılyqtardyń laýreaty, akademık Bıbigúl Tólegenovanyń 80 jasqa tolýyna oraı saltanatty kesh ótti,
dep habarlaıdy QazAqparat.
Merekelik keshte mereıtoı ıesi Bıbigúl Tólegenova Sharl Gýnonyń, Gastaldonıdiń, Pýchchınıdiń, Ǵazıza Jubanovanyń shyǵarmalaryndaǵy arııalardy, sonymen qatar, qazaqtyń halyq ánderin de oryndady. Kontsertte sondaı-aq Bıbigúl Tólegenovanyń barlyq shákirtteri óner kórsetti. Merekelik keshtiń ashylýynda «Qazaq bulbulyn» Almaty qalasynyń ákimi Ahmetjan Esimov quttyqtap, Elbasynyń arnaıy joldaǵan qoshemet hatyn oqydy. Álemdik sahnanyń prımasyn, sondaı-aq Abaı atyndaǵy opera jáne balet teatrynyń ujymy quttyqtap, ánmen shashý shashty. Merekelik kontsert barysynda, demeýshilik kórsetken «PetroQazaqstan» kompanııasy mereıtoı ıesine 1 mıllıon teńge aqshalaı syılyqtaryn tabys etti. Saltanatty kesh, toı ıesiniń 40 jyldaı birge jumys jasaǵan Memlekettik Qurmanǵazy atyndaǵy ulttyq aspaptar orkestri men opera jáne balet teatrynyń sımfonııalyq orkestriniń súıemeldeýimen ótti.
«Bıbigúl Tólegenova qazaǵymyzdyń mańdaıyna bitken altyn qorymyz, bizdiń altyn besigimiz, altyn ápkemiz. Onyń aty atalsa qazaq óneri, qazaqtyń koloratýra sopranosy, qazaqtyń halyq ánderi eske túsedi. Qazaq bulbulynyń qazaq halqyna bergen eńbegin búkil el, búkil qazaq jurtty eshqashan umytpaıdy. Ápkemiz jasaı bersin!», dedi halyq ártisi Altynbek Qorazbaev.
Bıbigúl Tólegenova - álemdik deńgeıdegi ánshi, opera juldyzy. Ol - óziniń ónerdegi asa joǵary jetistikteri úshin ǵana emes, halyq arasynda úlken súıispenshilikke ıe bolǵandyqtan da halyq ártisi atanǵan jan. Bıbigúl Ahmetqyzyn álemniń ár ónersúıer qaýymy árqashan qushaq jaıa qarsy alady. Onyń ánderine Nıý-Iorktyń, Londonnyń, Parıjdiń, Rımniń, Afınanyń, Tokıonyń, Seýldiń, Kaır men basqa da álemniń iri qalalarynyń aıtýly kontsert zaldaryna jınalǵan jurt tamsana qol soqqan. Halyq ártisi álemniń eń úzdik orkestrlerimen; Osıpov atyndaǵy orys ulttyq akademııalyq ult aspaptar orkestri, Chaıkovskıı atyndaǵy úlken sımfonııalyq orkestri, prınts Ýelskııdiń (Ulybrıtanııa) kameralyq orkestrimen birge án salǵan. ıÝNESKO sheshimi boıynsha Bıbigúl Tólegenova XX ǵasyrdyń uly jıyrma áıelderiniń qataryna engen bolatyn.
