Almatyda beıtanys adamnyń soqqysynan keıin qozǵala almaı qalǵan qyzdyń jaǵdaıy belgili boldy
ALMATY. QazAqparat- Almaty qalalyq densaýlyq saqtaý basqarmasynyń baspasóz qyzmeti er adam urǵannan keıin qozǵala almaı qalǵan qyzdyń jaǵdaıyn aıtty, dep habarlaıdy QazAqparat tilshisi.
Vedomstvonyń málimetinshe, naýqas qalalyq jedel járdem aýrýhanasyna jetkizilgen.
Dárigerler tolyq teksergenen keıin ol aýrýhanaǵa jatqyzyldy. Esin biledi.
«Oǵan jabyq bas súıek-mı jaraqaty, mı shaıqalýy dıagnozy qoıyldy. Jaǵdaıy ortasha aýyr. Naýqas neırohırýrgııa bólimshesine jatqyzyldy. Ol búkil qajetti medıtsınalyq kómekti tolyq kólemde alyp jatyr», - dep túsindirdi vedomstvodan.
Buǵan deıin Almatyda 25 jastaǵy qyzdy betinen urǵan er adamnyń ustalǵanyn jazǵan bolatynbyz.
