Almatyda beıimdeý ortalyǵynyń eks-dırektoryna qatysty sot otyrysy ótýde
ALMATY. QazAqparat - Almatydaǵy turǵylyqty jeri joq tulǵalardy əleýmettik beıimdeý ortalyǵynyń burynǵy dırektory Aqmaral Beketovaǵa qatysty sot otyrysy bastaldy, dep habarlaıdy QazAqparat tilshisi.
Beketovaǵa asa iri kólemde para aldy degen aıyp taǵyldy. Munyń aldynda sheneýniktiń qorǵaýshysy isti toqtatý týraly aryz túsirgen bolatyn.
Alaıda memlekettik aıyptaýshy qorǵaýshynyń ótinishin qoldamady. Іs materıaldaryna səıkes, atalǵan əleýmettik beıimdeý ortalyǵynyń burynǵy dırektory Aqmaral Beketovaǵa QR QK 189-babynyń 3-bólimimen aqsha jymqyrdy, QR QK 366-babynyń 4-bólimimen asa iri kólemde para aldy degen aıyp taǵylyp otyr.
Eks-dırektormen birge Aıjan Əbisheva da qylmystyq jaýapkershilikke tartylyp otyr. Ol ázirge esh jerde jumys jasamaıdy.
Tergeý organdarynyń qorytyndysy boıynsha, Beketova azyq-túlik tasymaldaıtyn jeke mekemeler arqyly aqsha jymqyryp otyrǵan.
