Almatyda betperde kıgen qaraqshylar janarmaı beketine shabýyl jasady
ALMATY. QazAqparat - Almatyda betperde kıgen úsh adam janar-jaǵarmaı beketinde qaraqshylyq shabýyl jasady. Jedel izdestirý arqasynda eki kúdikti qolǵa tústi, dep habarlaıdy QazAqparat.
Polıtseıler habarlama alysymen jedel-izdestirý sharalaryn bastaǵan. Anyqtalǵandaı, maska kıgen úsh er adam tańsáride Almaty qalasynyń aýdandarynyń birinde ornalasqan janarmaı quıý beketiniń ǵımaratyna kirgen. Olar tapanshany qoldanatynyn aıtyp qorqytyp, 52 myń teńge kólemindegi qarajatty ıemdengen. Keıin belgisiz baǵytta iz sýytqan.
«Jedel-izdestirý sharalaryn júrgizý kezinde qylmysty jasaǵan eki er adam ustaldy. Olar Ózbekstan Respýblıkasynyń azamaty bolyp shyqty, bireýi buryn sottalǵan. Kúdiktiler Almaty qalalyq Polıtsııa departamentiniń ýaqytsha ustaý ızolıatoryna qamaldy. Úshinshi kúdiktige qatysty ony izdeý jáne qamaýǵa alý sharalary júrgizilýde. Qazirgi ýaqytta QR QK-niń 192-baby 2-bóligi boıynsha sotqa deıingi tergeý júrgizilýde», – dep habarlady Almaty qalalyq Polıtsııa departamentiniń baspasóz qyzmetinen.
