Almatyda betonaralastyrǵysh kólik shuńqyrǵa qulap ketti
ALMATY. QazAqparat - Almatyda júrgizýshisi joq beton aralastyrǵysh kólik shuńqyrǵa qulap, aýdarylyp qaldy, dep habarlaıdy QazAqparat tilshisi.
Oqys oqıǵa Abaı dańǵyly men Qurmanǵazy kóshesiniń ortasyndaǵy Chaıkovskıı kóshesinde bolǵan.
Kýəgerlerdiń aıtýynsha, bul kóshede asfalt tóseý jumystary júrip jatyr. Qazylǵan joldyń jıegi opyrylyp, ishine beton aralastyrǵysh kólik aýdarylyp túsken. Kólik ishinde júrgizýshi bolmaǵandyqtan, zardap shekken eshkim joq. Oqıǵa ornyndaǵylar kólikti shyǵara almaı əlek bolýda.
