Almatyda beton aralastyrǵysh kólik aýdaryldy
ALMATY. QazAqparat - Almatyda beton aralastyratyn júk kóligi aýdarylyp qaldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetine sáıkes, jol apaty búgin túski saǵat 13:30-dar shamasynda ál-Farabı - Jarokov kósheleriniń qıylysynda boldy.
«Mercedes Benz ACTRO S3236» júk kóliginiń júrgizýshisi ál-Farabı – Jarokov kósheleriniń qıylysynda rýlge ıe bola almaı qalyp, aýdarylǵan. Apat saldarynan kólikke zaqym keldi. Zardap shekkender joq», - dedi Almaty qalalyq Polıtsııa departamenti tergeý basqarmasynyń bastyǵy Oljas Sháripov.
Polıtsııa ókiliniń aıtýynsha, tergeýdi Bostandyq aýdandyq polıtsııa basqarmasy júrgizip jatyr.
