Almatyda bes tonnaǵa jýyq jańa jyldyq jarylǵysh otshashýlar tárkilendi
ALMATY. 28 jeltoqsan. QazAqparat /Erbol Azanbek/ -Almaty polıtsııasy saýda oryndarynan jalpy quny alty mıllıon teńgege jýyq 5 tonna jarylǵysh zattardy tárkiledi, dep habarlaıdy qalalyq ІІD baspasóz qyzmeti.
Zańsyz satylyp kelgen jańa jyldyq «tarsyldaqtar» polıtsııa men aýdandyq ákimshilikterdiń, qalalyq tótenshe jaǵdaılar basqarmasynyń, «Nur Otan» HDP jastar qanatynyń birlesken arnaıy reıdi barysynda tabylǵan.
«Sońǵy 3 kúnniń ishinde jarylǵysh zattardy satatyn 144 zańsyz oryn anyqtaldy. 43 ákimshilik is qozǵaldy. Zańǵa sáıkes jarylǵysh zattardy lıtsenzııasy bar arnaıy dúkenderde ǵana satýǵa bolady. Tekserý sharasy 15 qańtarǵa deıin jalǵasady. Buǵan polıtsııanyń barlyq jeke quramy jumyldyrylyp otyr»,- deıdi ІІD-niń qoǵamdyq qaýipsizdik basqarmasynyń lıtsenzııalyq-ruqsat berý bóliminiń bastyǵy, podpolkovnık Erlan Meımanqulov.
