Almatyda bes qabatty úıdiń birinshi qabatynda ornalasqan dúkendegi órt saldarynan 20 adam qaýipsiz jerge kóshirildi
ASTANA. 11 qazan. QazAqparat - Almatynyń Almaly aýdanynda 11 qazan kúni saǵat 01:46-da bes qabatty turǵyn úıdiń birinshi qabatynda ornalasqan «Podıýmstar» dúkeniniń qoımasynda órt boldy.
QR TJM-niń baspasóz qyzmetinen habarlaǵandaı, órt saǵat 03:03-te sóndirildi. Onymen kúreske Almaty qalalyq TJD órt sóndirý qyzmetindegi jeke quramnyń 8 adamy men 2 tehnıka birligi jumyldyryldy.
Jalyn tili 18 sharshy metr aýmaqqa tarady. Órt saldarynan kúıik shalǵan 50 jastaǵy áıel aýrýhanaǵa jetkizildi. 20 adam qaýipsiz jerge kóshirildi.
