Almatyda bes qabatty úı otqa orandy
ASTANA. 20 mamyr. QazAqparat - Almaty qalasynyń Túrkisib aýdanynda Altaı-2 yqshamaýdanyndaǵy 5 qabatty turǵyn úıdiń shatyrynda túngi saǵat 00.46-da ot shyqqan.
Bul týraly QR TJM baspasóz qyzmetinen habarlady.
Jalyn 02.37-de aýyzdyqtaldy. Oǵan QR TJM Almaty oblystyq TJD órt sóndirý qyzmetiniń 74 mamany men 17 tehnıkasy tartyldy. 500 sharshy metr aýmaqty tilsiz jaý jaıpaǵan. Abyroı bolǵanda turǵyndar din aman. Qaýipsiz jerge 150 adam shyǵaryldy.
