Almatyda bes adamdy atyp óltirgen kúdikti týraly jańa derekter shyqty

ALMATY. QazAqparat - Almatyda bes adam atyp óltirgen Igor Dýjnov alty azamattyq daý men 27 materıal boıynsha jaýapker bolǵan. Bul týraly Almaty qalalyq soty málim etti, dep habarlaıdy QazAqparat tilshisi.

«2014-2021 jyldary Igor Dýjnov alty azamattyq is boıynsha sotta jaýapker boldy. Ol uzaq ýaqyt boıy qaryzyn ótemegen. Sondyqtan eki adam odan jalpy somasy 6,5 mıllıon teńge qaryzdy óndirip alý úshin júgingen. Sonymen qatar, JSh S bes mıllıon teńgeni qaıtarý týraly jáne bank 118 mıllıon teńgeni qaıtarý týraly talap aryz bergen», - dep habarlady Almaty qalalyq sotynyń baspasóz qyzmeti.

Almaty qalalyq soty málimetine súıensek, úsh iske qatysty sot sheshim shyǵardy. Sol boıynsha Dýjnovtan 130 mıllıonǵa jýyq teńge óndirilgen. Biraq ol taǵy úsh is boıynsha aıyptaldy. Bul banktiń «múlikti óndirip alý týraly» talaby, sonymen qatar azamattardyń «erli-zaıyptynyń ortaq qaryzy retinde somany taný jáne onyń otbasyn shyǵarý týraly» eki talaby.

«Sot oryndaýshylar 27 ret sotqa júgindi. Olar Dýjnovtyń múlkine tyıym salýdy jáne aqshany májbúrlep qaıtarý úshin basqa da sharalardy qoldanýdy talap etti. Sot oryndaýshylary boryshkerdiń ortaq menshiktegi úlesin anyqtaýdy surady. Sonymen qatar, olar sot sheshimin oryndaý úshin ádis pen protsedýrany ózgertýdi surady», - dep atap ótti Almaty soty.

Aıta keteıik, 20 qyrkúıek kúni Almatyda atys bolyp, 5 adamnyń qaza tapqanyn habarlaǵan bolatynbyz.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.