14:03, 22 Mamyr 2023 | GMT +5
Almatyda belgisiz er adam áıeldi uryp-soǵyp ketti
ALMATY. QazAqparat – Almatyda belgisiz er adam balalardyń kózinshe áıeldi uryp-soqty. Oqıǵanyń vıdeosy áleýmettik jelige shyqty, dep habarlaıdy QazAqparat tilshisi.
Vıdeo astyndaǵy jazbada oqıǵa Abaı dańǵyly men Saın kóshesiniń qıylysy aýmaǵynda bolǵany jazylǵan.
Qalalyq polıtsııa departamenti Áýezov aýdandyq polıtsııa basqarmasyna qala turǵyny shaǵymdanǵanyn habarlady. Jábirlenýshi áıeldiń aıtýynsha, 1992 jyly týǵan beıtanys adam ony sebepsiz uryp-soqqan.
«Atalǵan derek QR QK-niń 107-baby 2-bóligi boıynsha sotqa deıingi tergeýdiń biryńǵaı tizilimine tirkeldi. Jábirlenýshiniń alǵan dene jaraqatynyń aýyrlyǵyn anyqtaý maqsatynda sot-medıtsınalyq saraptama taǵaıyndaldy», - dep habarlady qalalyq polıtsııa departamentiniń baspasóz qyzmeti.