Almatyda belgisiz bireýlerdiń arasynda atys bolyp, eki adam mert boldy
ASTANA. Mamyrdyń 12-si. QazAqparat /Aıdar Ospanalıev/ - Mamyrdyń 10-y kúni Almaty qalasynda túngi saǵat 1-00-ler shamasynda belgisiz bireýlerdiń arasynda atys bolyp, oqıǵa bolǵan jerdegi dámhananyń janynan Almaty oblysynyń turǵynynyń máıiti tabyldy.
Bul týraly búgin Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń málimetterine qaraǵanda, oqıǵa oryn alǵan jerdegi dámhanalardyń birinen eki azamat aýrýhanaǵa jetkizilip, olardyń bireýi alǵan jaraqattarynyń aýyrlyǵynan kóz jumǵan. «Arnaıy júrgizilgen jedel-izdestirý sharalarynyń barysynda qylmystyq áreketke qatysy bolýy múmkin kúdikti azamat anyqtalyp, ony ustaý boıynsha tıisti sharalar júrgizilýde», dedi departament bastyǵy.
