Almatyda belgisiz bireýler kafege shabýyl jasady
ALMATY. QazAqparat – Almatyda kafelerdiń birine belgisiz bireýler qorǵanysqa arnalǵan gaz ballonymen shabýyl jasady. Buzaqylardy polıtsııa ustap áketti, dep habarlaıdy QazAqparat tilshisi.
Bul týraly aqparat Instagram-da paıda boldy. Oqıǵa Abaı dańǵyly men Dostyq kóshesiniń qıylysynda ornalasqan kafede bolǵan.
«Biz jattyǵýdan keıin balalarmen birge dámhanaǵa kirdik. Arada 20 mınýt ótken soń kafege qolynda pyshaǵy bar mas er adam júgirip kirip, aıǵaılaı bastady. Kafe qyzmetkerleri ony sabyrǵa shaqyrdy. Keıin onyń artynan taǵy 5-6 adamnyń qýyp kele jatqanyn kórgen qyzmetkerler kafeniń esigin ishinen kiltep aldy. Al buzaqylar esiktiń arǵy jaǵynan «gaz qutysyn» qoldandy. Іshindegi adamdar jótele bastady. Meniń balalarym ózderin jáısiz sizine bastady»,– dep jazdy avtor.
Qalalyq Polıtsııa departamentiniń baspasóz qyzmeti bul fakt qazirgi ýaqytta óndiriste ekenin málim etti.
«102» nómirine qońyraý túse salysymen polıtsııa ekıpajy birden oqıǵa ornyna attandy. Buzaqylar ustaldy. Olarǵa qatysty Ákimshilik kodekstiń 434-baby (usaq buzaqylyq) boıynsha ákimshilik materıal toltyryldy. Sheshim qabyldaý úshin óndiristik materıaldar sotqa jiberiledi», - dedi Medeý aýdandyq polıtsııa basqarmasynyń bastyǵy Dáýren Ótebaev.
