Almatyda belgisiz bireýler birneshe kóshege «jarylǵysh zattar» qoıyp ketti
TANA. 8 qarasha. QazAqparat - Almaty qalasynyń «102» nómirine 7 qarasha kúni, tańerteńgi saǵat 10 jarymda Medeý aýdanynyń birneshe kóshesinen jarylǵysh zattar tabylǵandyǵy týraly eki habar kelip tústi.
Birinshi aqparat Qonaev pen Qurmanǵazy kósheleriniń qıylysynda ornalasqan qoqys jáshiginiń mańaıynan tabylǵan kúdikti chemodanǵa qatysty boldy. Tótenshe jaǵdaıdy joıýǵa shuǵyl áreket etý qyzmetteri, sonyń ishinde QR TJM Almaty qalasy boıynsha TJD-nyń 5 adamy men 1 tehnıkasy jumyldyryldy. Júrgizilgen arnaıy is-sharalardyń barysynda jarylǵysh zat tabylmady.
Ekinshi habarlamada Mámetova men Ýálıhanov kósheleriniń qıylysynda ornatylǵan jarylǵysh zat týraly aıtyldy. Tótenshe jaǵdaı ornyna dereý shuǵyl áreket etý qyzmetteri, sonyń ishinde QR TJM Almaty qalasy boıynsha TJD-nyń 5 adamy men 1 tehnıkasy jetti. Arnaıy is-sharalardyń barysynda habarlamanyń jalǵandyǵy anyqtaldy.
