Almatyda belgisiz bireý boıjetkendi zorlamaq boldy

ALMATY. QazAqparat- Almaty polıtsııasy 29 shildege qaraǵan túni jeke sektorda tirkelgen zorlaýǵa árekettený deregin tergep jatyr, dep habarlaıdy QazAqparat tilshisi.

Onyń vıdeosy áleýmettik jelide tarady. Beınejazbadan qyz kólikti toqtatyp, júrgizýshiden qutqarýyn suraǵanyn kórýge bolady. Sonymen qatar, vıdeoda qyzdyń artynan qýyp kele jatqan er adam baıqalady.

Almaty Polıtsııa departamenti 2000 jyly týǵan B-ny zorlaýǵa árekettený deregin Jetisý aýdandyq polıtsııa basqarmasynyń qyzmetkerleri anyqtap jatqanyn málim etti.

«Jábirlenýshi qyz oqıǵadan biraz ýaqyt buryn alkogoldik ishimdik ishken tanystarynyń birinen kúdiktenedi. Oqıǵanyń mán-jaıy anyqtalyp jatyr. Tergeý toby quryldy. Tergeý barysy Almaty qalalyq Polıtsııa departamenti basshylyǵynyń baqylaýynda», - dep habarlady Almaty qalalyq PD baspasóz qyzmeti.

Vıdeodan alynǵan kadr