Almatyda belgisiz bireý bótenniń kóligin búldirdi

ALMATY. QazAqparat - Almatyda bótenniń kóligin qıratqan er adam izdestirilip jatyr, dep habarlaıdy QazAqparat tilshisi.

Oqıǵa ornynan túsirilgen vıdeo áleýmettik jelide tarady.

Almaty qalalyq Polıtsııa departamentiniń baspasóz qyzmeti, oqıǵa «Qalqaman» yqshamaýdanynda bolǵanyn habarlady. 9 qyrkúıek kúni avtokólik ıesi Naýryzbaı aýdanynyń polıtsııa basqarmasyna aryz túsirdi.

«Aryzdanýshynyń aıtýynsha, ol «Toıota» kóligin joldyń ortasyna buzylyp qalǵandyqtan tastap ketken. Onyń kóligine belgisiz bir adam qasaqana zaqym keltirgen. Bul fakt resmı túrde tirkeldi. Іstiń mán -jaıyn jáne kinálini anyqtaý úshin tekserý sharalary júrgizilýde. Tek sodan keıin quqyqtyq baǵa beriledi», - dep habarlady polıtsııadan.