Almatyda belgisiz bireý 15 jastaǵy qyzdy zorlamaq boldy
ALMATY. QazAqparat - Almaty polıtsııasy qazir 15 jastaǵy qyzdy zorlamaq bolǵan adamdy izdestirip jatyr, dep habarlaıdy QazAqparat tilshisi.
Oqıǵa Almaty irgesindegi Terekti shaǵyn aýdanynda bolǵan. 19 qyrkúıekte Alataý aýdandyq ІІB-ge áıel adam aryz túsirdi. Onyń aıtýynsha, 10 synypta oqıtyn 15 jastaǵy qyzyn belgisiz bireý zorlamaq bolǵan. Boıjetkendi basqa adamdar arashalap qalǵan.
Oqıǵa ornynda jol patrýldik polıtsııasynyń jasaǵy men tergeý toby jumys jasap jatyr. Alaıda, habarlamanyń kesh túsýine baılanysty kúdiktini izin sýytpaı ustaý múmkin bolmady.
Atalǵan derek boıynsha QR QK 121-babynyń 3-bólimimen sotqa deıingi tergeý bastaldy. Sonymen qatar, jaqyn aradaǵy úılerdiń turǵyndardan suraý alynyp jatyr. Kýágerlerdiń sózimen fotoroboty jasaldy. Alaıda, qazirgi tańda kúdiktiniń kim ekendigi áli anyqtalmaı jatyr.
