Almatyda belgisiz azamat polıtsııaǵa qoqys jáshiginde 2 granata salynǵan chemodan jatqandyǵyn habarlady
ASTANA. Qazannyń 11-i. QazAqparat - Jeksenbi kúni keshkisin Almaty qalalyq ІІD-ine belgisiz azamat Tóle bı kóshesi boıynda ornalasqan kóppáterli turǵyn úı aýmaǵyndaǵy qoqys jáshiginde 2 granata salynǵan chemodannyń jatqandyǵyn habarlaǵan.
Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratyp otyr.
Atalǵan jerge quramynda QR TJM Almaty qalalyq tótenshe jaǵdaılar departamentiniń 3 mamany men 1 tehnıkasy bar jedel áreket etý qyzmetiniń 15 qyzmetkeri men 8 tehnıkasy jetken. Degenmen arnaıy júrgizilgen is-sharalar barysynda jarylǵysh zat tabylǵan joq.
