Almatyda belgili vengerlik shyǵystanýshyǵa memorıaldyq taqta qoıyldy
ALMATY. QazAqparat - «Almaty qalasy mýzeıler birlestigi» KMQK fılıaly Almaty mýzeıinde Vengerlik shyǵystanýshy, geograf Derd Almashıge arnalǵan memorıaldyq belgi taqtasy qoıyldy, dep habarlaıdy QazAqpara tilshisi.
Saltanatty sharaǵa Almaty ákiminiń orynbasary Arman Qyryqbaev, Vengrııanyń bas konsýly ıÝdıt Lang jáne ólketanýshy, etnograf ǵalymdar qatysty.
Derd Almashı - Ortalyq Azııa halqyn álemge alǵash tanystyrǵan Majar saıahatshysy.
Ol osydan 100 jyl buryn Alataý, Tıan-Shan syndy Qazaqstannyń birqatar jerlerinde bolyp, etnografııalyq zertteýler júrgizgen. Al 1903 jyly «Azııa júregine saparym» atty eńbegi jaryq kórgen.
Jıynda sóz alǵan túrkitanýshy, etnograf Davıd Shomfaı Kara majar ǵalymy Derd Almashı qaldyrǵan qundy eńbekter óziniń etnografııalyq zertteýine arqaý bolǵandyǵy týraly aıtty.
«Men ózim zertteýshi retinde XX ǵasyrdyń aıaǵyndaǵy Jetisý beınesin bilsem, Derd Almashıdiń kitabynan XX ǵasyrdyń basyndaǵy Jetisý óńirin tanydym. Júz jyl ishinde kóp nárse ótip ketken», - dedi Davıd Shomfaı Kara.
Saltanatty shara aıasynda Derd Almashıdiń muraǵatynan ejelgi Qazaqstan ólkesiniń sýretteri kópshilik nazaryna usynyldy. Túrkitanýshy ǵalym Ishtvan Shanta mundaǵy sýretter saıahatshynyń Ortalyq Azııaǵa 1906 jylǵy ekinshi ret sapary kezinde túsirilgenin málim etti.
«Sýretterdiń kóbi ekinshi dúnıejúzilik soǵys kezinde joǵalyp ketken. Ǵalymmen birge saıahattaǵan aǵylshyn dosynyń urpaqtary tapsyrǵan sýretterdi kórmege ákeldik. Onda da sapasy jaqsy degenderinen 30 shaqty sýret qoılyp otyr», - dedi Ishtvan Shanta. 
Araılym Joldasbaev
