Almatyda belgili teatr synshysy Áshirbek Syǵaıǵa arnalǵan derekti fılmniń tusaýkeseri ótedi
ASTANA. QazAqparat - Almatyda jaqynda ǵana dúnıeden ótken belgili teatr synshysy, QR Memlekettik syılyǵynyń laýreaty Áshirbek Syǵaıdyń rýhyna arnalǵan derekti fılmniń tanystyrylymy ótedi, dep habarlady uıymdastyrýshylar.
«Áshirbek Syǵaı: Syn sardary» atty derekti fılmniń tanystyrylymy 2015 jylǵy 6 qańtarda Almatydaǵy Ǵabıt Músirepov atyndaǵy memlekettik balalar men jasóspirimder teatrynda bolady. Fılmniń rejısserleri Qalıla jáne Ábdirahman Omarovtar. Kartınany «Qazaqfılm» kınostýdııasy» AQ túsirgen.
Premeraǵa belgili teatr jáne óner qaıratkerleri, jazýshylar, Á.Syǵaıdyń zamandastary men shákirtteri, óner súıer qaýym jáne týystary qatyspaq.
Sondaı-aq synshy týraly derekti fılmniń tanystyrylymy óner qaıratkeriniń týǵan jerinde, 8 qańtarda - Shymkentte jáne 9 qańtarda - Kentaýda ótpek.
