Almatyda belgili sýretshi, zerger Serjan Báshirovtiń jeke kórmesi ashyldy

Kórmege zergerdiń sońǵy jyldary jasaǵan týyndylary qoıylǵan. Olardyń ishinde «Altaı», «Áýen», «Kerýlen», «Saryarqa» syndy eńbekteri oryn alǵan.

Qylqalam sheberiniń ónerdegi áriptesi, Sýretshiler odaǵynyń múshesi, Qazaq óner akademııasynyń múshesi Zeınelhan Muhamedjan kórme ıesiniń shyǵarmashylyq talǵamy óte joǵary ekendigin aıtady. «Jalpy bizde zerger degen tek qana saqına, syrǵa jasaıdy degen tar uǵym bar. Al shyn máninde Serjan qazaqtyń kóneden kele jatqan negizgi shıkizaty bolǵan kúmisti qamyrsha ılep, onyń tilin jaqsy biletin óner adamy. Halyqtyń ishinde tyǵylyp jatqan muń-zaryn sóılete bilgen óte sheber zerger. Ol metaldy sezinip, tildese biledi. Sodan barlyq sheberlik múmkindigin kóne tarıh qoınaýyna jiberip, Altaı atty sımvolıkasynda túrkilerdiń mádenıetin óz jumystarynda kórsetkisi kelgen», -deıdi ol.

Sondaı-aq Z.Muhamedjan sýretshi Shyńǵyshannyń tusynda pasport retinde qoldanǵan «paızy» atty quraldy óner dárejesine kóterip, tarıhı qoınaýyn aqtara otyryp, jasap shyqqandyǵyn jetkizdi. «Sondyqtan Serjandy jaı zerger ǵana emes, úlken sýretker, qazaqtyń zergerlik ónerin álemdik deńgeıge kóterip, óziniń áriptesteriniń sanasyna úlken tolqynys, jarylys ákelgen adam dep bilemin», - dep atap ótti óz sózinde sýretshiniń áriptesi.

«Búgingi kórmege sońǵy jyldary jasalǵan týyndylarym qoıyldy. Jumystarymda negizinen kún, sheksizdik sııaqty fılosofııalyq mánge ıe belgilerdi keńinen qoldanamyn. Sonymen qatar kóshpendilerdiń izin jalǵastyrýshy retinde teri, kúmis, mys sııaqty meteldardy paıdalanamyn», -deıdi sýretshi S.Báshirov.

Kórmege sýretshiniń ónerdegi dostary, shákirtteri, týǵan-týystary men onyń shyǵarmashylyǵyna qyzyǵýshylyq tanytýshylar jınaldy.

Sýretshiniń eńbekteri Altyn jáne baǵaly metaldar murajaıynda (Astana qalasy), Shyǵys halyqtarynyń murajaıynda (Máskeý qalasy), Azııa jáne Tynyq muhıt murajaıynda (Varshava qalasy) saqtalýda.

Sonymen qatar S.Báshirov kóptegen festıvalder men kórmelerge qatysqan. Birneshe kórmelerde joǵary nagradalarǵa ıe boldy. 1998 jyly Almaty qalasynda ótken jastardyń «Jiger» atty kórmesinde «Kórmeniń tańdaýly jumysy» dıplomymen marapattaldy. 1999 jyly sheberlerdiń Almaty qalasynda uıymdastyrylǵan «Zerger-99» baıqaýynda Bas júlde - «Asyl jambyny» ıelengen. Onyń týyndylary álemniń kóptegen elderinde ótken kórmelerge kelýshilerdiń júrek túkpirinen óshpes oryn alǵan. 2005 jyly ol ıÝNESKO-nyń «Sapa belgisi» sertıfıkatyna ıe boldy.

«Almaty» art-ortalyǵynda ótip jatqan kórme 9-shildege deıin jalǵasady.