Almatyda belgili qoǵam jáne memleket qaıratkeri Ó. Jánibekovtyń týǵanyna 80 jyl tolýyna arnalǵan kórme ashylady
ALMATY. 3 qazan. QazAqparat /Názıra Eleýhan/ - Almatyda 7 qazanda QR Memlekettik Ortalyq murajaıynda belgili qoǵam jáne memleket qaıratkeri, tarıhshy-etnograf, óner zertteýshi,
QR Gýmanıtarlyq ǵylymdar akademııasynyń akademıgi Ózbekáli Jánibekovtyń týǵanyna 80 jyl tolýyna arnalǵan kórme ashylady.
Kórmege etnograf-ǵalymnyń ómiri týraly fotomaterıaldar men qujattar, ózine tıesili jeke zattary men syılyqtary qoıylatyn bolady. Kelýshiler Ó.Jánibekovtyń murajaıǵa tapsyrǵan áıgili balýan Qajymuqan Muńaıtpasovtyń tymaǵyn, sonymen qatar, Ó.Jánibekovtyń tikeleı bastaýymen qalpyna keltirilgen murajaı qoryndaǵy qundy jádigerlerdi tamashalaı alady.
Ó.Jánibekov memleket qaıratkeri ǵana emes, qazaq halqynyń ulttyq mádenıetiniń, ana tiliniń, dástúri men ádet-ǵurpynyń jańaryp, damýyna eleýli úles qosqan azamattyń biri. Elimizdegi múrajaı isiniń damýyna atsalysqan, dálirek aıtqanda, murajaı qorlarynyń qazaqtyń etnografııalyq buıymdarymen tolyǵýyna ólsheýsiz eńbek etken qaıratker.
