Almatyda belgili aqyn, jazýshy Myrzaǵalı Іńirbaevtyń 60 jasqa tolýyna arnalǵan mereıtoı keshi ótedi
ASTANA. 21 qazan. QazAqparat - Almatyda Qazaqstan Jazýshylar odaǵynyń Ádebıet úıinde 25 qazanda belgili aqyn, jazýshy, halyqaralyq «Alash» ádebı syılyǵynyń laýreaty Myrzaǵalı Іńirbaevtyń - Mir Shaıyrdyń 60 jasqa tolýyna arnalǵan mereıtoı keshi ótedi.
Myrzaǵalı Іńirbaev 1952 jyly 19 qyrkúıekte Mańǵystaý oblysy, Mańǵystaý aýdany, Shaıyr aýylynda týǵan. 1971 jyly Aqtóbe temirjol ýchılışesin, 1981 jyly ál-Farabı atyndaǵy Qazaq memlekettik ýnıversıtetiniń jýrnalıstıka fakýltetin tamamdaǵan. 1988 jyly Almaty Joǵary partııa mektebin bitirgen.
Mańǵystaý oblystyq «Mańǵystaý» gazetinde bas redaktordyń orynbasary, obkomnyń, aýpartkomnyń nusqaýshysy, bólim bastyǵy, «Mańǵystaý munaıgaz» AAQ bólim bastyǵy bolyp qyzmet istegen.
Óleńderi «Balaýsa», «Bes qońyraý», «Qarlyǵash», «Jetigen» ujymdyq jyr jınaqtarynda jarııalanǵan. «Týǵan el» (1999), «Ýaqyt astyndaǵy tamyrlar» (2002) kitaptarynyń avtory. 2008 jyly «O, danyshpan dúnıe» atty 3 tomdyǵy jaryq kórgen.
