Almatyda bazarlardyń ashylýyna nege tyıym salynyp otyr
ALMATY. QazAqparat – Almatyda 4 mamyrdan bastap ashylatyn saýda oryndaryna bazarlar jatpaıdy. Azyq-túlikten basqa bazar saýdasynyń ashylýyna nege tyıym salynyp otyrǵanyn qala ákiminiń orynbasary Saparbek Tuıaqbaev onlaın brıfıng barysynda túsindirdi, dep habarlaıdy QazAqparat tilshisi.
«Aýdany 500 sharshy metr bolatyn azyq túlikten basqa taýarlar dúkenderiniń ashylýyna ruqsat beriledi. Eger ShOB sýbektileri bazar men saýda úıi terrıtorııasynda ornalassa olarǵa ruqsat berilmeıdi. Dúkender jeke ornalasýy kerek. Bazarlar men saýda úılerine, ortalyqtaryna ruqsat áli joq», - dedi Saparbek Tuıaqbaev.
4 mamyrdan bastap shashtarazdar (aldyn-ala jazylý boıynsha), fotosalondar men gúl dúńgirshekteri, jyljymaıtyn múlik kompanııalary, valıýta aıyrbastaý oryndary jumysyn qaıta bastaıdy.
Qyzmet kórsetý salasy boıynsha aıaq kıim jóndeý, hımııalyq tazalaý, baspa isi boıynsha nysandardyń jumysyn iske qosýǵa ruqsat etilgen.
Olarǵa qandaı talap qoıylatynyn buǵan deıin jazǵan bolatynbyz.
Qala ákiminiń orynbasarynyń aıtýynsha, atalǵan nysandardy ashýdyń arqasynda 41,4 myń adamdy jumyspen qamtýǵa múmkindik týady.
