Almatyda bazarlar men meıramhanalar qashan ashylady
ALMATY. QazAqparat - Almaty qalasynyń ákimi Baqytjan Saǵyntaev qalada kólik jýý, meıramhanalar men saýda ortalyqtary qashan ashylatynyn aıtty, dep habarlaıdy QazAqparat tilshisi.
«27 sáýirden bastap biz basqa sektorlarǵa kóshemiz. Aldaǵy dúısenbide kólik jýý, shınımontaj jáne keńse tehnıkasyn jóndeý ortalyqtaryn ashamyz dep oılaǵanbyz. Biraq belgili bir sebeptermen 27 sáýirge qaldyrdyq. Sondaı-aq, kir jýatyn, hımııalyq tazartqysh oryndary men úıdiń janyndaǵy shaǵyn dúkenderdi qarastyramyz. Alaıda adam kóp jınalatyn iri saýda ortalyqtary, saýda úıleri, úlken azyq-túlik dúkender men meıramhanalar mamyr aıynyń ortasyna deıin karantındik rejımde bolady»,– dedi Baqytjan Saǵyntaev beınekonferentsııa barysynda.
