Almatyda bazarlar aýmaǵynan iri órt shyqty
ASTANA. 14 qyrkúıek. QazAqparat - Almaty qalasy Soltústik saqına kóshesi boıynda, Jetisý aýdanynda «Olja», «Keremet», «Aıan» jáne jarym-jartylaı «Alataý» bazarlarynyń aýmaǵyndaǵy saýda-qoıma ǵımarattarynan órt shyqty, dep habarlady QR TJM baspasóz qyzmetinen.
Órt 5400 sharshy metr aýdandy sharpydy. Oqıǵa ornynda 7 adam ár túrli shaǵymdarmen medıtsınalyq kómek surap habarlasty, olarǵa alǵashqy dárigerlik kómek kórsetildi. Qurylystardy bólshekteý jáne órt ornyna sý sebý jalǵasýda.
Órtti aýyzdyqtaýǵa: Almaty qalasy TJD órt sóndirý qyzmeti jeke quramynyń 305 adamy, 49 tehnıkasy, Almaty oblysy TJD órt sóndirý qyzmeti jeke quramynyń 31 adamy, 7 tehnıkasy, «AMO» MM 7 adamy jáne 2 tehnıkasy, QR TJM «Qazavıaqutqarý» AQ 1 tikushaǵy, Almaty qalasy «Qutqarý qyzmetiniń» 1 tikushaǵy jumyldyryldy.
