Almatyda bazarǵa kelýshi halyqty tonaýdy kásip etken urylar ustaldy
ALMATY. QazAqparat - Almaty polıtsııasy bazarda adam tonap, ońaı oljamen kún kórip júrgenderdi ustady, dep habarlaıdy QazAqparat tilshisi polıtsııa departamentiniń baspasóz qyzmetine silteme jasap.
Eki er adam Naýryzbaı aýdanyndaǵy bazarǵa kelýshilerdi soqqyǵa jyǵyp, qoldaryndaǵy múlkin tartyp alyp ketip otyrǵan.
«Kúdiktiler kóbinese «Barlyq» bazarynda túnde jortýylǵa shyǵyp otyrǵan. Zardap shekken adamdardyń aryzynan soń polıtsııa 19 ben 25 jastaǵy er adamdardy ustady. Olar Shymkent qalasy jáne Almaty oblysynyń týmalary bolyp shyqty. Tergeýshiler olardyń 3 qylmysqa qatysy baryn anyqtady», - dedi Naýryzbaı aýdandyq polıtsııa basqarmasynyń basshysy Dinmuhamed Əýelhan.
Qazir QR Qylmystyq kodeksiniń 191-baby, 2-bólimimen sotqa deıingi tergeý jumystary júrip jatyr.
Naýryzbaı aýdandyq polıtsııasy osy adamdardyń áreketinen japa shekken adamdar bolsa, 254-44-64; 254-44-60; 254-44-64 nómirlerine habarlasýyn ótinedi.
