Almatyda bazardyń ornyna salynatyn úıdiń eskızdik jobasy maquldanǵan joq
ALMATY. QazAqparat - Almaty qalalyq josparlaý jáne ýrbanıstıka basqarmasy Nıkolskıı bazarynyń ornyna salynatyn turǵyn úı kesheniniń qurylysyna qatysty túsinikteme berdi, dep habarlaıdy QazAqparat tilshisi.
«Almaty qalalyq josparlaý jáne ýrbanıstıka basqarmasy habarlaıdy, Nıkolskıı bazarynyń aýmaǵyndaǵy qurylys máselesi boıynsha bizge ruqsat alýǵa eshkim ótinish bergen joq. Ǵımarattyń sáýlet-josparlaý tapsyrmasy jáne eskızdik jobasy áli kelisilmedi», - dep habarlaıdy basqarmadaǵylar.
Buǵan deıin, Nıkolskıı bazarynyń ornyna jer ıeleri kópqabatty úı salýǵa nıet bildirip jatqany týraly jazǵan bolatynbyz.
