Almatyda bazardaǵy satýshylar tóbelesiniń mán-jaıy anyqtaldy
ALMATY. QazAqparat - Almaty bazarynda tóbeles shyǵarǵan satýshylar jaýapqa tartyldy, dep habarlaıdy QazAqparat tilshisi.
Polıtseıler QR Qylmystyq kodeksiniń 293-baby 2-bóligi boıynsha is qozǵady. Olar buzaqylyq áreketteri úshin qylmystyq jaýapkershilikke tartyldy.
«Ustalǵandardan alynǵan jaýapqa sáıkes, olar bazarda aıaq-kıim satýmen aınalysady. Turmystyq daý-damaıǵa satýshylardyń biriniń ekinshisine taýardy (aıaq kıim) búlingen kúıi qaıtarýy sebep bolǵan. Olar aldymen urysqan, keıin tóbelese bastaǵan. Quqyqbuzýshylar ustalyp, aýdandyq ishki ister basqarmasyna jetkizildi», - dedi Almaty qalalyq Polıtsııa departamentinen.
Eske salaıyq, 6 sáýir kúni tańerteń Alataý aýdanyndaǵy bazarlardyń birinde bolǵan daý-damaıdyń vıdeosy áleýmettik jelilerde taraǵan bolatyn.
Avtory Danııar Dáýitalıev
