Almatyda bazar órtenip jatyr
ALMATY. QazAqparat - Órt sóndirýshiler Almaty bazaryndaǵy órtti sóndirip jatyr, dep habarlaıdy QazAqparat.
Órt týraly qońyraý búgin saǵat 12 shamasynda túsken.
«Almaty qalasy TJD bólimsheleri kelgennen keıin «Kenjehan-2» kıim bazarynyń aýmaǵynda konteınerlik úlgidegi qoımada órt bolǵany anyqtaldy. Órt aýmaǵy anyqtalyp jatyr», - dedi Tótenshe jaǵdaılar mınıstrligi baspasóz qyzmetinen.
Halyqty bazardan evakýatsııalaý jumysy júrgizilip jatyr. TJ jedel joıý jumystaryna Almaty qalasy TJM bólimsheleriniń jeke quramy men tehnıkasy jumyldyryldy.
Órt sóndirýshilerdiń jedel áreketiniń nátıjesinde saǵat 12.52-de órt oqshaýlandy. Mert bolǵandar men zardap shekkender joq. Órt sóndirý jumystary jalǵasyp jatyr.
