Almatyda bazar órtendi
ASTANA. QazAqparat - Almatyda taǵy bazar órtendi. Bul joly tilsiz jaý Raıymbek dańǵyly men Rozybakıev kósheleriniń qıylysynda ornalasqan «Juldyz» kóterme saýda bazaryn jaıpady, dep habarlady qalanyń TJD baspasóz qyzmetinen.
Keshe keshki saǵat 18:00 shamasynda tutanǵan órt 1 saǵatta aýyzdyqtaldy. Kýágerlerdiń aıtýynsha, 10 saýda qoıma ornyna zaqym kelgen. Aldyn ala berilgen aqparattarǵa júginsek, órt bazar aýmaǵynda gaz dánekerleý jumystaryn júrgizý kezinde oryn alǵan. Qaza tapqandar men zardap shekkender joq, dep habarlaıdy 24.kz.
