Almatyda bazar mańyndaǵy iri órt tolyq sóndirildi
ALMATY. QazAqparat - Almaty qalasyndaǵy qoımalardan shyqqan kúrdeli órt 12-22-de sóndirildi, dep habarlaıdy QazAqparat.
«Tótenshe oqıǵa saldarynan qaıtys bolǵandar men zardap shekkender joq, órt sóndirýshiler órttiń kórshi qurylystarǵa taralýyna jol bermedi», - dep málimdedi TJM-nen.
Órtti joıýǵa barlyǵy TJD jeke quramnyń 120 adamy jáne 33 tehnıkasy, sondaı-aq sý tasý úshin Almaty qalasynyń kommýnaldyq qyzmetteri men qutqarý qyzmetiniń 7 sý tasyǵyshy jumyldyryldy.
Órt ornynda ІІM qyzmetkerleriniń qatarynan qorshaý qoıyldy.
Aıta keteıik, tańǵy saǵat 7:16 shamasynda órt sóndirýshiler Jetisý aýdany Moskın, 7V mekenjaıyna joǵary dárejedegi shaqyrtýǵa shyqqan bolatyn.
Oqıǵa ornynda jedel shtab qurylyp, birneshe órt sóndirý ýchaskesi quryldy.
